59 ГОДИНИ ОД СКОПСКИОТ ЗЕМЈОТРЕС
. . . Овој народ многупати почнувал одново сега тоа ќе го направи и овој град: станува од својата смрт тешко и пркосно врз грчот на утробата на земјата, таков што ќе умее да се спротиви на идни грчеви. Да, така, бездруго и мора да се случи. Скопје праќа пораки ширум по земјава и по светот и прима пораки: да, да се биде.
Славко Јаневски
Денеска, 26 јули 2022 година, се навршуваат 59 години од катастрофалниот земјотрес што го потресе градот Скопје. Точно во 5 часот и 17 минути, невидена стихија се обидела да го уништи животот во градот. Затекнати на спиење или бегајќи панично надвор веднаш по силниот удар од земјотресот, загинале 1070 жители, а 3330 биле повредени. Градот за миг престанал да живее.
Уште во првите мигови започнала спонтана акција на граѓаните, на армијата и милицијата за спасување на луѓето. Само за неколку часа од урнатините биле спасени околу 6000 лица, а пристигнале и спасувачки екипи од сите места на Републиката. Земјотресот бил во близина на скопското село Бразда, со хипоцентрална длабочина од 10 km и јачина на земјотресот од 6.1 степен според Рихтеровата скала и макросеизмички ефекти од Imax=IX степени EMS-1998, кои биле катастрофални за жителите и градбите во Скопје.
Земјотресот од 26.07.1963 год. е само еден од трите нам досега познати катастрофални скопски земјотреси (земјотресот во 518 и 1555 година), кои се должат на тонењето на Скопската котлина и на диференцираните вертикални и хоризонтални тектонски поместувања на околните планини, со резултат на регионалните тектонски напрегања. Сето ова предизвикува тектонската и сеизмичка активност на сите раседи во Скопската котлина и околината.
Почуствуван земјотрес 17.07.2022 Мрежичко - Кавадарци
Почуствуван земјотрес 30.05.2022 Гостивар
Телеметриската сеизмолошка мрежа на Република Северна Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, денес 29.05.2022 година регистрираше три земјотреси 48 km југозападно од Скопје кој потекнува од епицентралното подрачје Тетово-Гостивар.
Според податоците со кои располага опсерваторијата првиот земјотресот се случи во 19 часот и 30 минути со Рихтерова локална магнитуда ML2.3 и интензитет од III степени, вториот се случи во 20 часот и 9 минути со Рихтерова локална магнитуда ML2.6 и интензитет од III степени и третиот земјотресот се случи во 20 часот и 17 минути со Рихтерова локална магнитуда ML3.0 и интензитет од III степени според Европската макросеизмичка скала, а беше почувствуван од населението во Гостивар, Тетово и околината.
Почуствуван земјотрес Тетово 27.05.2022
Телеметриската сеизмолошка мрежа на Република Северна Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, денес 27.05.2022 година регистрираше земјотрес 32 km југозападно од Скопје кој потекнува од пограничното епицентрално подрачје Тетово-Гостивар.
Според досегашните податоци со кои располага опсерваторијата земјотресот се случи во 09 часот и 11 минути со Рихтерова локална магнитуда ML3.6 и интензитет од IV-V степени според Европската макросеизмичка скала, а беше почувствуван од населението во Гостивар, Тетово и околината.
Почуствуван земјотрес Пехчево 25.04.2022
Телеметриската сеизмолошка мрежа на Република Северна Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, денес 25.04.2022 година регистрираше земјотрес 120 km југоисточно од Скопје кој потекнува од пограничното епицентрално подрачје Пехчево-Кресна.
Според досегашните податоци со кои располага опсерваторијата земјотресот се случи во 18 часот и 31 минути со Рихтерова локална магнитуда ML4.2 и интензитет од IV степени според Европската макросеизмичка скала, а беше почувствуван од населението во Делчево Берово, Пехчево и околината
Почуствуван земјотрес Пехчево 25.04.2022
Телеметриската сеизмолошка мрежа на Република Северна Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, утрово на 25.04.2022 година регистрираше земјотрес 115 km југоисточно од Скопје кој потекнува од епицентрално подрачје Пехчево-Кресна.
Според досегашните податоци со кои располага опсерваторијата земјотресот се случи во 06 часот и 36 минути со Рихтерова локална магнитуда ML2.8 и интензитет од III степени според Европската макросеизмичка скала, а беше почувствуван од населението во Делчево Берово, Пехчево.
Почувствуван земјотрес Босна 22.04.2022
Телеметриската сеизмолошка мрежа на Република Северна Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, вечерва на 22.04.2022 година регистрираше земјотрес 296 km северозападно од Скопје кој потекнува од територијата на Република Босна и Херцеговина, 42 километри југоисточно од градот Мостар. Според досегашните податоци со кои располага опсерваторијата земјотресот се случи во 23 часот и 07 минути со Рихтерова локална магнитуда ML5.7, а беше почувствуван од граѓаните во Скопје, Гостивар, Тетово и околината со интензитет од III степени според Европската макросеизмичка скала.
Почуствуван земјотрес Дебар 07.04.2022
Телеметриската сеизмолошка мрежа на Република Северна Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, ноќта на 07.04.2022 година регистрираше земјотрес 115 km југозападно од Скопје кој потекнува од епицентрално подрачје Дебар.
Според досегашните податоци со кои располага опсерваторијата земјотресот се случи во 23 часот и 49 минути со Рихтерова локална магнитуда ML3.1 и интензитет од III степени според Европската макросеизмичка скала, а беше почувствуван од населението во Ресен, Дебар и околината.
Почувствуван земјотрес Охрид 01.02.2022
Телеметриската сеизмолошка мрежа на Република Северна Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, утрово на 01.02.2022 година регистрираше земјотрес 100 km јужно од Скопје кој потекнува од епицентрално подрачје Пештани-Охрид-Струга.
Според досегашните податоци со кои располага опсерваторијата земјотресот се случи во 03 часот и 22 минути со Рихтерова локална магнитуда ML2.6 и интензитет од III-IV степени според Европската макросеизмичка скала, а беше почувствуван од населението во Охрид, Струга, Ресен и околината.
Почувствуван земјотрес Охрид 31.01.2022
Телеметриската сеизмолошка мрежа на Република Северна Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, вечерва 31.01.2022 година регистрираше земјотреси 100 km јужно од Скопје кои потекнуваат од епицентрално подрачје Пештани-Охрид-Струга.
Според досегашните податоци со кои располага опсерваторијата два беа почувствувани: првиот земјотрес во 21 часот и 7 минути со локална Рихтерова магнитуда ML2.5 и интензитет од III-IV степени според Европската макросеизмичка скала и вториот во 21 часот и 26 минути со локална Рихтерова магнитуда ML2.6. и интензитет од III-IV степени според истата скала. Земјотресите беа почувствувани од населението во Охрид, Струга, Ресен и околината.