ВО СЛУЧАЈ НА ПОЧУВСТВУВАН ЗЕМЈОТРЕС ВО РЕПУБЛИКА СЕВЕРНА МАКЕДОНИЈА ЈАВЕТЕ СЕ НА БЕСПЛАТНИОТ ТЕЛЕФОНСКИ БРОЈ 112 (ЦУК)
Податоците за осетеноста на земјотрес што ќе ги дадете таму веднаш се упатуваат до Сеизмолошката опсерваторија за натамошна стручна обработка.
Сеизмолошката опсерваторија при Природно-математичкиот факултет во Скопје, Универзитет „Св. Кирил и Методиј“, согласно со Законот за учество на Републиката во финансирањето на сеизмолошката и инженерско-сеизмолошката дејност (Службен весник на СРМ, Бр.18 од 10 октомври 1983, стр. 330‑331), е единствена институција во Република Македонија која е задолжена и овластена да ја одржува сеизмолошката мрежа на Републиката, да врши постојано набљудување и научна анализа на целокупната сеизмичка активност на територијата на Републиката, пограничните подрачја и пошироко, да ги одржува соодветните архиви, да врши анализи за одредување на сеизмичкиот ризик во одделни подрачја на Републиката и на целата нејзина територија, да ја изработува и постојано дополнува картата на земјотресна реонизација на целата територија на Републиката, да ги објавува податоците за сеизмичките појави (вклучувајќи го и обавестувањето на јавноста за осетените земјотреси во Републиката), како и да учествува во меѓународната размена на податоци за случените земјотреси. Оваа институција е носител и на образовните активности од областа на сеизмологијата и целата геофизика, а има и сопствена издавачка дејност.
