На самиот почеток на второто полугодие од учебната година 2024/25, пет групи ученици од 5 одделение од ООУ„Блаже Конески“ - Аеродром, Скопје ја посетија Сеизмолошката опсерваторија и преку едукативната игра „Опасна Земја“, на забавен и интерактивен начин научија повеќе за земјотресите и мерките за заштита од истите.
05.12.2024
Учество на учениците од 5 одделение од ООУ„Блаже Конески“ - Аеродром, Скопје во работилницата „Опасна Земја“, низ која преку игра и дискусија учеа за земјотресите и мерките за заштита од истите.
28.11.2024
17.11.2024
Во текот на минатата недела Сеизмолошката опсерваторија ја посетија две поголеми групи на ученици од ООУ„Лазо Трповски“ и ООУ „Александар Македонски“. Двете групи ги следеа и учеа од предавањето „Експресно патување низ светот на земјотресите“, преку кое имаа можост на интересен начин да дознаат нешто повеќе за земјотресот, да погледнат видеа од земјотреси, да ги разгледаат инструментите со кои располага опсерваторијата и начинот на нивно работење и секако да ги научат мерките за заштита кои се неизоставен дел од секое предавање. Сите заинтересирани може да ја пронајдат понудата за предавања и работилници на нашата страница.
28.10.2024
Епицентрална карта
24.10.2024
Рано изутрината на 24.10.1905 год., во 04 часот и 37 мин. околината на Куманово била погодена од умерен земјотрес со магнитуда ML5.3. Според малкуте информации со кои располага Сеизмолошката опсерваторија при ПМФ во Скопје, добиени од научници кои се занимавале со сеизмичноста на територијата на Македонија, земјотресот бил почувствуван во пошироката околина на Куманово со интензитет од VII степени според EMS-98. Земјотресот предизвикал уривање на неколку куќи во селата близу епицентарот и оштетување на повеќе куќи во пошироката епицентрална област. Овој земјотрес е најсилен забележан во епицентралното подрачје Куманово во последните 120 години.
28.09.2024
23.09.2024
По случениот земјотрес изутринава во град Скопје, на 23.09.2024 година, во 02:02 часот по локално време, со локална Рихтерова магнитуда ML=3.4, кој ги вознемири жителите на град Скопје, Велес, Свети Николе и околните населени места, ја користиме оваа прилика да се потсетиме на мерките за заштита од земјотрес. Ве замолуваме да го скенирате следниот QR код, кој ќе Ве упати кон мерките за заштита пред, за време и по случен земјотрес.
Сеизмолошката Опсерваторија при ПМФ – Скопје нуди стручни предавања од оваа област на ученици и останати заинтересирани лица. Можете да не контактирате на нашата фб страница, како и на нашата Веб страна https://seismobsko.pmf.ukim.edu.mk/, или пак на е-пошта seismobsko@pmf.ukim.mk
Со ова известување упатуваме и апел за пополнување на прашалникот за почуствуван земјотрес во случај на почуствуван земјотрес од Ваша страна, а ваквите податоци се од големо значење за работата на Сеизмолошката опсерваторија.
19.04.2024г.
Денес, на посета во Опсерваторијата ни беа учениците од прва и втора година од ПСУ „Јахја Кемал“ - Скопје. За време на посетата учениците се запознаа со физичките принципи на работа на сеизмолошките инструменти, начинот на анализа на сеизмолошките податоци и секако мерките за заштита при земјотрес.
29.03.2024г.
Во текот на вчерашниот ден, гости во Сеизмолошката опсерваторија ни беа учениците од третта и четвртта година од ПСУ „Јахја Кемал“ од Скопје со кои имавме одлично интерактивно предавање, преку кое учениците ја увидоа широката примена на физичките принципи и закони во конструирањето на сеизмолошките инструменти, регистрирањето на земјотресите, но и одредувањето на нивните параметрите. Научната дебата со учениците продолжи кон објаснување на моменталните, но и идните потенцијални можности и недостатоци на сеизмологијата како наука. Секако, неизоставен дел беа и мерките за заштита од земјотрес.
Им благодариме на учениците за одличната научна дебата и ги покануваме на повторна посета!
14.03.2024г.
Во изминатите десетина дена, на покана на наставничка по географија Милица Петраклиева од ООУ „Лазо Трповски“ од Карпош, вработените од опсерваторијата одржаа серија на работилници за учениците од шесто до деветто одделение од училиштето под наслов „Науката позади земјотресите“. Преку четирите (4) практични вежби, дополнети до кратко теориско објаснување, учениците се запознаа со различните својства на внатрешноста на Земјата, причините за настанување на земјотреси, параметрите со кои се објаснуваат и секако мерките за тоа како да се заштитат за време на земјотрес.
Им благодариме на сите вклучени за успешните работилници и се надеваме на се почеста соработка!
14.03.2024г.
Во текот на денешниот ден, гости во Опсерваторијата ни беа учениците од шесто одделение од ООУ „Илинден“ од Крива Паланка. За време на едночасовната прошетка низ просториите на опсерваторијата учениците одблиску се запознаа со работните задачи на еден сеизмолог, но и начинот на кој тие се извршуваат. Неизбежен дел од предавањето секако беа и мерките за заштита при земјотрес.
14.10.2022г.
Во периодот од 14ти -16ти Октомври 2022 година се оддржа тринаесетото стручно советување со меѓународно учество од областа на подземната и површинската експлоатација на минерални суровини (ПОДЕКС – ПОВЕКС ‘22) организирано од страна на Здружение на рударските и геолошките инженери на Република Македонија и Универзитет “Гоце Делчев” - Штип, Факултет за Природни и техннички науки.
Сеизмолошката Опсерваторија учествуваше со труд насловен СЕИЗМИЧНОСТ НА РЕГИОНОТ ШТИП-РАДОВИШ ВО ПЕРИОДОТОД 2000 ГОДИНА ДО 2021 ГОДИНА.
20.05.2022г.
На 20.05.2022 година, дел од вработените на Сеизмолошката Опсерваторија при ПМФ - Скопје одржаа едукативна посета на ООУ Даме Груев во Свети Николе. Учениците се запознаа со земјотресот како природна појава и научија како да постапат при случен земјотрес.
Денес во Сеизмолошката Опсерваторија во Скопје, се одржа едукативен час за важноста на земјотресот како природна појава и мерки за заштита од истиот. Гости ни беа учениците од приватното средно училиште American High School Skopje (AHSS).
06.05.2024г.
Сеизмолошката опсерваторија при ПМФ беше дел од третата меѓународна конференција за образованието по математика, физика и сродни науки која се оддржа од 6-8 мај во просториите на Природно-математичкиот факултет во Скопје. Покрај Сеизмолошката опсерваторија, учествуваа и голем број на предавачи и посетители од Македонија, Србија, Босна и Херцеговина и Црна Гора.
Сеизмолошката Опсерваторија учествуваше со три трудови, насловени:
- „Сеизмолошката опсерваторија како дел од образованието“
- „Земјотресот во процесот на образовната технологија“
- „CD и DVD дискови - подостапна замена за дифракциона решетка во демонстрациите од физичка оптика “
